Onze Prins

Op 25 januari 2020 is onze nieuwe 48e prins van CV de Kakers uitgeroepen.
Dit is Prins Johan II Lenders en hij gaat samen met z’n adjudanten Jules, Johan, Marcel & Ruud voorop bij CV de Kakers.
Hij gaat de Kakers voor met zijn lijfspreuk:

Met vastelaovendj vleege de glaaze in ’t rondj,
as woonsdig zoë krank wie unne hondj!

PROKLAMATIE

Biej de grasie – vanne Kakers – en de waalwillendjheid van de VVD (Vorst Van Deenst) –
en ziene alwieze raod van elluf, – 48stePrins van ‘t Kakerlandj

SALUUT !!

Wae proklamere – det de regering is äövergenaome – van Prins Jeroen I – en det wae as liefspreuk zulle veure:

Met vastelaovendj vleege de glaaze in ’t rondj,
as woonsdig zoë krank wie unne hondj!

Wae Prins Johan II

Commandeur inne orde: de inktbrouwers en interactie-ongerzeukers van Canon Production Printing in Venlo

Ridder inne orde: de Groëäte Printers, ut dwarrelendje dartpiëlke en Schjôppe mie

Graaf: vanne Beukelaan, euverstaeke nao Tjeu vanne Koel — euver ’t Huitje, rechts aaf Noew Maxet op, de Sillehook in — achter Ton vanne Kùùk — linksaaf de Kapelstraot op — den biej ut aod groene kruis gebouw linksaaf richting Bekker Küster — biej Aod Leivere sjeete wae rechts de Liesjeshook in — achter de Fuus links de Concordia straot op — veur ut aod van de köster 2 kieër linksaaf — den achter Aod Prins Wim mét de witte sök inne sandaale, rechtsop weer truuk op hoeës aan.

Beschermhiër van: van Natasja,  Quin en Gwen

Groeëtvorst: van SV Leivere! En in ut biejzunjer de JO12 (Kampioenuhh!)

Wae Proklamere wiejer:

1Det ich – as 2.000e inwoëner van Boaksum – ut Plekploasterriëk höb ingeruultj veur ut Kakerslandj

2Det ein speciaal beerke — auch echt speciaal mot zeen — dus gluutevriej beer.      

3Det de aoj pluuzel jeskes van os — gesjonke waere aan ein jachtvereniging in Hongarije — door oos kleijermaakster Carola. — En det wae — wachte op ein gastjacht — toch Eric?

4Det wae op ’t Maxet eine echte paajviever höbbe – aangelagdj door de vésklub – en det dao auch väöl Kwakkerte en Koeleköpkes zulle zitte

5Det biej ut oefene – van ut wegdrage van mich – in geval van noëäd – 3 adjudanten neet genôg bleke te zeen

6Det de beekfieëste — neet mieër doorgaon in de huidige vorm, — det d’r teväöl gewonje zeen gevalle

7Det d’r biej de Maxetbonus kaart verkaup — auch deenste waérdje aangeboaje aan de verkaupers – mit rooje uurkes tot gevolg, toch Jeanine?

8Det de Kwakkert — noe witj — wie ze eine HAAS vange — om d’r eine Vorst van te maake

9Det noew — onger mien regeer periode — nutte kal — neet nut genog kan zeen

10Det aod Prins Jeroen I — zich op ut Vorstenbal wie unne vés in ut water veuldje —  omdet d’r meindje prins vanne Kwakkert te zeen — en det ich noe zégk — Jeroen: un kleinigheidje helse toch.

11Det wae — ut hiej biej — zulle laote.

Gegaeve: Ich dacht, dao beltj eine Losbol om mich te vraoge as Prins

Prins Johan II