Onze Jeugdprins

De 24e jeugdprins van de Kakers is op 14 januari 2018 uitgeroepen. 

Zijn naam is Tijn I Vossen, met adjudant Tuur en Fabian

De lijfspreuk van Jeugdprins Tijn I is:

“Noe spring ich eine kieër neet op un Moer,

mer gaon we uns flink met de veut vanne vloer.”

PROKLAMATIE

Bie de grasie vanne Kakers – en de waalwillendjheid van Vorst Eric I – en ziene alwieze raod van elluf, –24ste jeugPrins van dit Kakerlandj

SALUUT !!

Wae proklamere – det de regering is äövergenaome – van Prins Ries  I – en det wae as liefspreuk zulle veure:

Noe spring ich eine kieër neet op un Moer,

mer gaon we uns flink met de veut vanne vloer.

 Wae Prins  Tijn I

Commandeur inne orde: van  de modder en de noppenköning

Ridder inne orde: van de voetbel en de crossfiets

Graaf van: Vanoet in ut veldj—richting Kreppel—nao de Noorderbaan—dao staeke wae äöver nao de kloeësterstraot—naeve opa en oma aaf. Richting roorveldj—naeve de fieëstzaal—richting pap zien bedrief—naeve de kippestal van Orbon—richting visviever—en van dao oet truuk op hoes aan.

Beschermhiër van: Pap – Mam — Laura — Isa — Mette en Sarah

Groeëtvorst: inne orde van de naokommelinge van op den Drinck

Wae proklamere wiejer:

1e Det ich—de ieërste jeugdprins —van de Kakers ben – met deze noewe septer.

2e Det ich ut jaomer vonj—det ich neet waerdje gevraogdj—väör de raod van elluf van de koelekop—mer kiek mich—noe ins pronke—met dees vaere.           

3e Det ich noe al met pap—mot opbokse taege al die vrouluu thoes—en det dr dao nog ein bie kumptj

4e Det ut in Leivere—altied gezellig is—ze numme ut neet väör niks parydörp

5e Det ut  väörig jaor – gein doorgestaoke kaart waas—met de Prins en Jeugdprins oet ein femilie he Marc en Ries

6e Det wae van hübbe huëre zegge—des ze door ut väöle leegt bie Schijvenhoof—nog mieër rotzooi in de buurt zuus ligge– den sommige meindje

7e Det ich – same met mien naefkes Maxet onveilig maak—met de quad—omdet wae gaer doon crosse

8e  Det ut bie os mam inne straot—blauw zoog—vanne zweileegte—omdet die van Geuije—zoeë nuëdig bomme moste zeuke

9e Det ich ut heerlik vinj—om lekker te weike in bad—as ich mer gein hoeswerk hoof te make

10e Det de winnaars—vanne kinjeroptocht in Heytse—nog lang neet oetgeblustj woore—en toch de ieërste pries hebbe gehaoldj.

11e Det wae –ut hie bie zulle laote.

Gegaeve:Wie Toos oos pap beldje en aan oos pap vroog of ich jeugdprins van de Kakers wooi waere en det ich dao neet lang äöver hoofdje nao te dinke.

Prins Tijn I

Maxet Alaaf- Kakers Alaaf- Maxet Alaaf