Onze Prins

Op 13 januari 2018 is onze nieuwe 46e prins van CV de Kakers uitgeroepen.
Dit is Prins Roger I van den Boom, hij gaat samen met z’n adjudantes Yvonne (geel), Resy (groen) en Naïma (rood) voorop bij CV de Kakers.
Hij gaat de Kakers voor met zijn lijfspreuk:

“Kakers, gaas op dae zuuger”

PROKLAMATIE

Bie de grasie vanne Kakers – en de waalwillendjheid van Vorst Eric I – en ziene alwieze raod van elluf, — 46ste Prins van dit Kakerlandj

SALUUT !!

Wae proklamere – det de regering is äövergenaome – van Prins Marc II – en det wae as liefspreuk zulle veure:

“KAKERS GAAS OP DAE ZUUGER”

Wae Prins Roger I:

Commandeur inne orde:  Van golf belkes — en vette kippe

Ridder inne orde:van- Vet spek — en sjoean vrouwluu

Graaf :  Van De Haaskamp — richting Leivere — naeve de Vorst oppe Heerbaan aan  — van dao oet — richting de Liesjeshook, — den via de Dörpstraot richting ut Huitje —  äöver de Reuliswaeg. — van dao oet via de Bergenwaeg naeve Flupsehoof —  op de Scheijvenhoof aan —  en van dao oet weer richting Leiversewaeg — op hoes aan.

Beschermhiër van: Talitha — Gilles — Veerle, en eine witte zwabber  

Groeëtvorst : in ut ruule van kleijer — en anger atributen

Wae Proklamere wieër

1e Det– oze secretaris — väör äöver veel inne bus — wie wae van Moofert aafkwoome — en hae mindje -det dr ziene bril kwiet waas — mer hae haai um nog oppe kop, — hoeëgst waarschienlik — haet det — aan de dropsjot gelaege — dae later nao teregt is gekome — inne  groeëte witte toeter — van T Vettig Umke

2e Det—wae op t Maxet – väör ut ieërst de koeëllekop van t jaor höbbe—en det wae dr neet van staon te kiekke – det dae äöver 15 jaor waal ins de Raekel van u jaor kin waere – zeker as wae de streek bekieke die zien vader in de loup der jaore haet oetgevraete, en det wae as Kaker—gruets zeen—op ut bord det dao inne wei – steit mer det wae ut ein pienlikke zaak vinje – det dao auch nog Kwakkerte vlag wappertj.

3e Det  wae — van hubbe huëre zegge — det dr in Leivere ein beerbrouwerie — geit koome — en det ze det —  met eine groeëte groep ieërst  gepreufdj hubbe  — in de stadsbrouwerie — van Wieërt.

4e Det  Aod Prins Marc II — zich ein gans jaor lank — met 4 blonj vrouwluu haed opgehoje — mer det zien vrouw Jeanine — dao waal van oppe huegdje waas.

5e Det  de ieërste — witte plekke — in ut jumbo plaetjes plekbook —  bekindj zeen.

6e Det  dr op ozze — fieëstaovindj vanne Kakers — toch waal ein antal minse woore — die mindje det dr inne escaperoom — onieerlik gespeeldj waerdje — wae zulle mer gein name numme —  he Eric.

7e Det  ze in Leivere — ein super dörpsfieëst hubbe gehadj– me ja- det is in Leivere — auch neet zo moeilik,– want as  ze dao — ein taofel mit parsol–  boete zits – waertj ut  al ein groeat fieëst.

8e det ich,– ins eine Prins oet Kelpe ontvuurtj hub — en det — dae aovindj of zek mer murge — nog ein kei gezellig fieëst is gewore — bie Hans van Baetsen thoes — in Kelpe-Oler– met nog väöl drank – eier  en eine   sjoeëne zuvere Vorst.

9e Det — tiedes Leiverse kirmis –Truus neet blie waas — wie de Discjocky  pikante plaetjes — van nette maedjes op zien beeldjscherm — leet kieke — en det Truus den ouch drek — haed ingegraepe

10e Det — op Truuje — de kerstversiering mieër leek — op ein hooretent — as op eine kerststal.

11e Det wae — ut hie bie — zulle laote.

Gegaeve: wie Chrit mig beldje — en vroog — kins ze mich ein plezeer  doon– en ich joa zag — zonger te weite woa det euver ging.

Prins Roger I

Maxet Alaaf — Maxet Alaaf — Maxet Alaaf .

Prins Roger I